श्री
लेता जाय ज्यो जी बधाई लेता जाई ज्यो
म्हारो कान्हूडो जनम्यो आधी रात,
बधाई सगला लेता जाई ज्यो......
आज तो नन्द जी र घर, आनन्द छायो
जसोदा री गोदी मांही कानुडो आयो
झूला में पौढ कन्हैयो झोटा दिज्यो
म्हारो......
माटी भी खावे रे कन्हैयो माखन खावे
बन बन म भटके रे कान्हू, धेनू चरावे
बंशी बजावे कान्हो सुनता जाय ज्यो
म्हारो......
गोकुल री गोपियाँ न नाच नचावे
वृन्दावन र माधोवन में रास रचावे
राधा कृष्ण रा दर्शन करता जाय ज्यो
म्हारो.......
भादवा म जनम्यो कान्हो, बाजी है थाली
सब मिलकर नाचे गावै,दे दे ताली
नन्द बाबा बांटे बधाई,लेता जाय ज्यो
म्हारो......
No comments:
Post a Comment