मोड़ो क्यूँ आयो गिरधारी..Modo kyuon aayo girdhari..(krishana bhajan)

                           श्री
मोड़ो क्यूँ आयो गिरधारी,मोड़ो क्यूँ आयो बनवारी
ले जा गांठ तिहारी,रे...
1   और सगा न महल मालिया, झरोखा अटारी
      नरसिले ने टुटी रे झोंपड़ी,वा भी गांव सूं न्यारी रे
      मोड़ो क्यों आयो...
2      और सगा न माल मलीदा,चाबण पान सुपारी
        नरसिले ने लुखी रे खिचड़ी,वा भी लूण सूं खारी रे
       मोड़ो क्यूँ आयो....
3     और सगा न शाल दुशाला,रेशम जरी किनारी
        नरसिले ने फाटी रे गुदड़ी, बीमे भी सो सो कारी
        मोड़ो क्यूँ आयो....
4     और सगा न हिंगलू ढोलिया,पोढण की तैयारी
       नरसिले ने टूटी रे मचली, वा भी दाण सूं न्यारी रे
       मोड़ो क्यूँ आयो...
5     कहे नरसिलो सुण रे साँवरा, आछी बात बिगाड़ी
       म्हारो तो प्रभू कुछ नहीं जावे,बिड़द लाजसी थारी
       मोड़ो क्यूँ आयो...