श्री 

साँवरिया म्हारै आय ज्यावो छान 

छान बनवारी म्हारै आय ज्यावो छान, छान 

गिरधारी म्हारै आय ज्यावो छान, छान 

-कनक कटोरों माखन मिश्री,खड़ी अढ़ीकुं थाने 

जे सांवरियो आतो दिखे,भोग लगाऊं छान सांवरिया म्हारै... 

-मारग छोड़ गळी होय आइयो,कोई ए न जाण थाने 

सांमी आकर झाला दीज्यो,म्हें जाणुली थाने सांवरिया म्हारै ...

 -काळी कमळी ओढ़ र आइयो,कोई ए न जाण थाने

 पाड़ोसन सूं बातां किज्यो,बा के देसी म्हाने सांवरिया म्हारै..

 -प्रीत करो तो ऐड़ी करियो,कोई ए न जाण थान

 व्रन्दावन की कुंजगलीन में दरशन दीज्यो म्हाने सांवरिया म्हारै....

 -मीरां के प्रभु गिरिधर नागर,प्रीत करुंली छान चन्द्रसखी भज बालकृष्ण छवि,दरशन दीज्यो म्हाने सांवरिया म्हारै...