चन्दन चौक पुरावां, मङ्गल कलश....

चन्दन चौक पुरावां, मङ्गल कलश सजावां 

आवो,आवो नि माताजी म्हारै आँगन

 थांरे मंदिरये म्हे नित आवां आकर थांरी म्हे ज्योत जगावां

 मेहंदी थांरे म्हे ल्यावाँ, नारियल भेंट चढ़ावां आओ आओ नि......

 माता थांरे दरश का म्हे प्यासा पूरी करदयो ना मनडे री आशा

 थाने चुनड़ो ओढावां, लाल चुड़ो पहरावां आओ ,आओ नि...... माता

 सिंह पर चढकर थे आवो म्हारै मनडे में भक्ति जगावो

 थांरे चरणा में आवां, माता धोक लगांवा आओ,आओ नि......

 मैया मैं भी तो सेवक थांरो सबका अटक्या थे कारज सारो 

अष्टमी रात जगावां, हिलमिल भजन सुनावा आओ,आओ नि.....