बधावा..सरवरिया री पाळ ऊपर...

सरवरिया री पाळ ऊपर आमलिया सा पाक्या जी आमलिया सा पाक्या, ज्यांर बनफ़ळ लाग्या जी ए बनफ़ल निरंजन लाल जी न दिज्यो जी ए बनफ़ल हरिकिशन जी न दिज्यो जी ए बनफ़ळ बनवारीलाल जी न दिज्यो जी बांने तो दिज्यो,बांरी गोरयाँ न दिज्यो जी रँग रो बधावो ए सँयों जाण मत दिज्यो जी जाण मत दिज्यो जी,जतन कर लीज्यो जी इसड़ो बधावो ए गौरी जांण मत दिज्यो जी शीश ऊपर चुनड़ गौरी उतरबा मत दिज्यो जी उतरबा मत दिज्यो जी,ओढ़ र लावा लीज्यो जी रँग रो बधावो.... लीलवट ऊपर टिक्की गौरी उतरबा मत दिज्यो जी उतरबा मत दीज्यो जी,लगाय र लावा लीज्यो जी इसड़ो बधावो.... कोयां मांयलो काजळ गौरी, निकलबा मत दिज्यो जी निकलबा मत दिज्यो जी,घुलाय र लावा लीज्यो जी सुख रो बधावो ए.... हाथां मांयली मेंहदी गौरी उतरबा मत दिज्यो जी उतरबा मत दिज्यो जी मन्डाय र लावा लीज्यो जी रँग रो बधावो ए.... चूल्हा ऊपर दूध गौरी उफ़नबा मत दिज्यो जी उफ़नबा मत दिज्यो जी,ठंडो कर जावण दिज्यो जी इसड़ो बधावो ए..... गोदयां मांयलो लाल गौरी रोयबा मत दिज्यो जी रोवण मत दिज्यो जी राजी कर गोदी लीज्यो जी रँग रो बधावो ए..... सेज्यां मांयलो श्याम गौरी रुसबा मत दिज्यो जी रुसबा मत दिज्यो जी मनाय बेगा लीज्यो जी इसड़ो बधावो देराण्यां जिठाण्या मिल गाज्यो जी नणद भोजायां मिल गाज्यो जी