पिंपली पान दुपानी ओ राज,गेरो फूल गुलाब रो
जठ तीजण घोड़ी बाँधी ओ राज
हरिया हरिया जोय चरे
ज्यां पर राम बनो चढसी ओ राज
जनकपुर ,जनकपुर अर्ज करे
कोई बाने जनकपुर बताओ जी राज
सीता बनडी जाय परण
अर्जुन जनकपुर बतावे जी राज
सीता बनडी जाय परण
पिंपली पान दुपानी ओ राज
गेरो फूल गुलाब रो
जठ तीजण घोड़ी बाँधी ओ राज
हरिया,हरिया जोय चरे
ज्यां पर सुमित बनो चढसी ओ राज
गोहाटी गोहाटी अर्ज करे
कोई बाने गोहाटी बताओ जी राज
वर्षा बनडी जाय परण
हरेश जी गोहाटी बतावे जी राज
बालक बनडी जाय परण
No comments:
Post a Comment