ऊबा म्हारा बना सा दादाजी री पीरोल
कोई बाबाजी री पीरोल,
दादीजी र आगे बिनती जी म्हारा राज
बढियाजी र आगे बिनती जी म्हारा राज
म्हाने म्हारा बाबाजी,घोड़ी ले दयो मोल
बछेरी ले दयो मोल,घोड़ी चढ़ जास्यां सासरे
जी म्हारा राज,घोड़ी चढ़ तोरण मारस्यां
जी म्हारा राज
थाने म्हारा बनडा, परणीजण रो कोड
कोई नवल बनी रो कोड
बछेरी फोड़ आँगणू जी म्हारा राज
आँगण म्हारा बाबाजी काच बीड़ाय
कोई रतन जडाय, थलियाँ पर
जा जा हिंगलू जी म्हारा राज
No comments:
Post a Comment