हतायां म बैठ्या च्यार जणा, ज्यांमे बैठ्या जी
कासब जी रा जोध, बिहाणा जी रळ आवणा
ज्यांमे बैठ्या जी गवरी रा गणेश
बिहाणा जी रळ आवणा
ज्यांमे बैठ्या जी अंजनी रा हनुमान
बिहाणा जी रळ ,आवणा
ज्यांमे बैठ्या जी माताजी आप
बिहाणा जी रळ आवणा
ज्यांमे बैठ्या जी देई देवता आप
बिहाणा जी रळ आवणा
पान चाबला, फूल बिंणला
कारज सुधारे जी,सेवगां र ब्याव
बिहाणा जी रळ आवणा
हतायां म बैठ्या च्यार जणा,ज्यांम बैठ्या जी
गणेशलाल जी रा जोध,बिहाणा जी रळ आवणा
पान चाबला,फूल बिंणला,बिड़द सुधारो जी
बेटा र ब्याव,बिहाणा जी रळ आवणा
जान पधारो जी,भतीजा र ब्याव
बिहाणा जी रळ आवणा
हतायां म बैठ्या च्यार जणा, ज्यांम बैठ्या जी
फुंफाजी आप,बिहाणा जी रळ आवणा
ज्यांम बैठ्या जी,जीजाजी आप
बिहाणा जी रळ आवणा
पान चाबला फूल बिंणला,जान पधारो जी
सालां र ब्याव,बिहाणा जी रळ आवणा
हतायां म बैठ्या च्यार जणा, ज्यांम बैठ्या जी
शिवनारायण जी रा जोध,बिहाणा जी रळ आवणा
ज्यांम बैठ्या जी,मासा जी आप ,
बिहाणा जी रळ आवणा
पान चाबला,फूल बिंणला
मायरो सँजोवो जी,भाणेजा र ब्याव
बिहाणा जी रळ आवणा
जान पधारो जी,भाणेजा र ब्याव
बिहाणा जी रळ आवणा
No comments:
Post a Comment