श्री
साहब, ओरां जी मांयली औरडी
ज्यांमे पोड्या जी सासु जी रा पूत क
रंग भर दिवलो जोय स्यां
साहब ढ़ोलो मारुणि बातां लागिया
म्हारी मिरगानैनी ए थांने भालौ लागे कुंण क
रंग भर.....
सायब पैलां पियारा म्हारा बापूजी,
प्यारी लागे जी म्हाने रातादेई माय क रंग भर.....
सायब दूजा पियारा म्हारा बिरोजी
प्यारो लागे जी भौजायां रो साथ ,क रंग भर.......
सायब अगनु पियारी म्हारी बेनडली,
प्यारो लागे जी बनेयां रो साथ क, रंग भर...
प्यारो लागे जी भतीजा,भतीजी रो साथ
भांजा भानजी रो साथ क, रंग भर....
गौरी आँ रे बातां सूं खारा लागस्यो
थांने देसयां ए गौरी पिवरिय पहुंचाय,क रंग भर...
सायब ओरां जी मांयली ओरडी
ज्यांमें पोड्या जी सुसराजी रा जोध क रंग भर .....
सायब ढ़ोलो मारुणि बातां लागिया
म्हारी सुन्दरगौरी ए थांने भालौ लागे कुंण क रंग भर....
सायब पैलां पियारा म्हारा सुसरोजी
प्यारो लागे जी सासु जी रो साथ क रंग भर....
सायब दूजो पियारा देवर,जेठ सा
प्यारो लागे जी दयोरण्या, जिठाण्या रो साथ क रंग भर...
सायब अगनु पियारा म्हारा बाई सा
प्यारो लागे जी,नंनदोईयाँ रो साथ क रंग भर
प्यारो लागे जी जेठूता, जेठूतियाँ रो साथ
नाणदा,नाणदी रो साथ क, रंग भर.....
सायब चौथा पियारा म्हारा मारुजी
प्यारो लागे जी म्हांने कँवरा रो साथ के,रंग भर....
सायब पाँचवी पियारी म्हारी दिवड़ली
प्यारो लागे जी जवांयां रो साथ क रंग भर....
गौरी आँ रे बातां सूं प्यारा लागस्यो
थांने देसयां ए गौरी चंद्रहार घड़ाय क रंग भर....
थांने देसयां ए गौरी बंगड्यां घडाय क रंग भर....
No comments:
Post a Comment