श्री
रूनझुन रूनझुन सायबा,बैल जुता दयो जी
बैल जुतायर जास्यां बाप र जी
पेलो सरवरियो म्हारा,सुसराजी खिनायो जी
दूजो सरवरियो म्हारा बाप रो जी
दोन्या र बिचाळै सायबा,हुई रे तिसाई जी
हुक़्म करो तो जी धण पाणी पीवै जी
का धण पिवो ए गौरी,दूध पताशा जी
का धण पिवो जी डोडा एलची जी
नां तिस भाजे सायबा,दूध पताशा जी
नां तिस भाजे जी डोडा एलची जी
का तिस भाजे सायबा,जामण क जाया सूं
का तिस भाजे जी मोबी पूत सूं जी
जामण को जायो बीरो,चूनड़ी उड़ासी जी
मोबी को बायो जी जीमा बाजरो जी
No comments:
Post a Comment