श्री
सालासर दर्शन करस्यां हो, सहाय करो हनुमान
थारै माथे मुकुट विराजे, कानां म कुण्डल साजे
थांरे ह्रदय में राम विराजे जी,रोम रोम में राम
सालासर दर्शन.......
थांरे हाथ में गदा विराजे,दूजे में ध्वजा है साजे
श्री राम को डंको बाजे जी , थे वीर बड़ा बलवान
सालासर दर्शन......
थांरे पांव में घुघरू साजे, चलते में रुनझुन बाजे
थांने भज्यां सूं संकट भाजे जी,भक्त करे गुणगान
सालासर दर्शन.......
थे पवनपुत्र बलकारी,मां अञ्जनी है महतारी
शिवशंकर के अवतारी जी,संकट मोचन नाम
सालासर दर्शन.......
श्री रामचन्द्र का प्यारा, मां सीता का हो दुलारा
म्हारा संकट हर ल्यो सारा जी,मेटो कष्ट तमाम
सालासर दर्शन........
पुष्पा नित ध्यान लगावे,थांरे चरणां में शीश झुकावे
म्हाने सियाराम मिल ज्यावै जी,कृपा करो हनुमान
सालासर दर्शन ........
No comments:
Post a Comment