Gangourgeet ।।सँयों कुळ म ए फुलड़ा दोय बडा.....

                                   श्री 

सँयों कुळ म ए फुलड़ा दोय बड़ा

,सँयों एक सूरज दूजो चाँद, 

बधावो जी म्हारी गवरां रो...

 सँयों सूरज की किरणां तपे,सँयों चाँदा री निरमल रात 

बधावो जी........

 सँयों कुळ म ए फुलड़ा दोय बड़ा,

सँयों एक घोड़ी दूजी गाय 

बधावो जी....... 

 सँयों गायां रा जाया बाछया हळ बेव

,सँयों घोड़ी रा जाया ढ़ाबे राज 

बधावो जी...... 

 सँयों कुळ म ए फुलड़ा दोय बड़ा, 

सँयों एक सायब दूजो बीर 

बधावो जी .......

 सँयों बिरोजी उढावे नोरंग चुनड़ी,

सँयों सायब जी रो सरब सुहाग

 बधावो जी..... 

 सँयों कुळ म ए फुलड़ा दोय बड़ा,

सँयों एक मायर दूजो बाप 

बधावो जी..... 

 सँयों माउजी र औदर लोटिया,

सँयों बापूजी लडायो म्हांनै लाड 

बधावो जी.......