कर ल्यो राम भजन सें हेत,कर ल्यो हरि भजन सूं हेत रे
करमां रो सङ्गाती जग में कोई नहीं
अरे ,करमां रो सङ्गाती राणा कोई नहीं
एक माय रे दोय डिकरा रे,ज्यांरा न्यारा न्यारा भाग
एक तो चढ़े रे देखो घोड़ले,दूजो रुळ गळ्यां र मांय रे
करमां रो....
एक गाय रे दोय बाछड़ा रे,ज्यांरा न्यारा न्यारा भाग
एक तो शिवजी र आगे नांदियो, दूजो फिर घाणी र मांय रे,करमां रो...
एक माटी रा दोय कुम्भडा रे,ज्यांरा न्यारा न्यारा भाग
एक तो शिवजी रे ऊपर जल चढ़े,दूजो शमशाना में जाय रे,करमां रो...
*बाई मीरां की विनती रे,राणा मान सके तो मान
म्हारै तो सुरगां सूं आसी पालकी,तूँ तो रह ज्यासी रणखेत रे,करमां
रो...
No comments:
Post a Comment