बधावो राज बधावो,बधावो म्हार घरां आयां

बधावो राज बधावो,बधावो म्हार घरां आयां,बधावो बेटो जायां बधावो बहु घर आयां

उन्याल री रुत आई,डागलीय सेज बिछाई,डागलिया सेज बिछाई मिरगानेणी पोढ़न आई

चन्दाबदनी पोढ़न आई ,कमधजिय कण्ठ लगाई,

मनभरीय कण्ठ लगाई,मोरां स्यूं मुठ भराई

गीनोड़ा गोद भराई थे तो बांटो साजनिया री जाई

थे तो बांटो साजनिया री जाई ,थारी घर घर हुवली बड़ाई,बधावो राज.....

चौमासा री रुत आई,चतरसालां सेज बिछाई

चतरसालां सेज बिछाई,मिरगानेणी पोढ़न आई

चन्दाबदनी पोढ़न आई,मनभरीय कण्ठ लगाई

कमधजिय कण्ठ लगाई,मोरां स्यूं मुठ भराई

गीनोडा गोद भराई,थे तो बांटो साजनिया री जाई

थे तो बांटो सजनिया री जाई,थारी घर घर हुवली बड़ाई,बधावो राज......

सियाल री रुत आई,उंडा ओरां सेज बिछाई

उंडा ओरां सेज बिछाई मिरगानेणी पोढ़न आई

चन्दाबदनी पोढ़न आई,कमधजिय कण्ठ लगाई

मनभरीय कण्ठ लगाई ,मोरां स्यूं मुठ भराई

गीनोडा गोद भराई थे तो बांटो साजनिया री जाई

थे तो बांटो साजनिया री जाई,थारी घर घर हुवली बड़ाई,बधावो राज.....

(visit my youtube channel to listen to the bhajan)