श्री
गोपाल लाल,म्हे तो थांरा डेरा निरखण आया जी
बासुदेव जी रा लाल,म्हारा मदनगोपाल
म्हे तो थांरा डेरा निरखण आया जी गोपाल
गोपाल लाल पुरुषां मांईलो पुरुष बड़ो बनवारी जी
बासुदेव जी रा लाल,म्हारा मदनगोपाल
पुरुषां मांईलो,पुरुष बड़ो, गिरधारी जी गोपाल
गोपाल लाल,नारियां मांईली, नार बड़ी,राधा प्यारी जी
बासुदेव जी रा लाल,म्हारा मदनगोपाल
नारियां मांईली,नार बड़ी,राधा प्यारी जी गोपाल
गोपाल लाल म्हे तो......
गोपाल लाल,वृक्षां मांयने,तुलसां री महिमा भारी जी
बासुदेव जी रा लाल,म्हारा मदनगोपाल
वृक्षां मांईने, तुलसां जी री महिमा भारी जी गोपाल
गोपाल लाल नदियाँ मांईने,गङ्गा जी री सिरदारी ओ
बासुदेव जी रा लाल,म्हारा मदनगोपाल
नदियाँ मांईने,गङ्गा जी री सरदारी जी गोपाल
गोपाल लाल म्हे तो ...
गोपाल लाल बरतां मांईने एकादशी री महिमा भारी जी
बासुदेव जी रा लाल,म्हारा मदनगोपाल
बरतां मांईने,एकादशी ज्यादा प्यारी जी गोपाल
गोपाल लाल चन्द्रसखी थांरे चरण कमल बलिहारी जी
बासुदेव जी रा लाल,म्हारा मदनगोपाल
चन्द्रसखी थांरे चरण कमल बलिहारी जी गोपाल
गोपाल लाल म्हे तो.....
No comments:
Post a Comment