allowfullscreen="" youtube-src-id="611gifRAOjw" width="320" height="266" src="https://www.youtube.com/embed/611gifRAOjw">
श्री
कुं कुं भरियो चोपडो, र मोत्यां भरियो थाळ
बिरोजी म्हार भात भरण न आया म्हारा राज
बिरोजी भल आइया र ,भावज ल्याया साथ
बिरोजी म्हारा,भाई भतीजा न ल्याया म्हारा राज
चम चम चमक चूनड़ी र,चमके बाईजी रो चीर
बिरोजी म्हांने चुनड़ी ओढावण आया म्हारा राज
बिरोजी म्हारो मान बढ़ावण आया म्हारा राज
मायरो ल्याया धूम सूं, हरख्यो सो परिवार
भोजायां म्हारी,गीतां सूं शोर मचायो म्हारा राज
भोजायां म्हारी ,हँस हँस मङ्गल गावे म्हारा राज
बाई तो हरखी घणी, गळ मोतियन को हार
टीको काढ़े चाव सूं, कर सोला सिणगार
बिरोजी म्हारा ,हँस हँस नेग चुकावे म्हारा राज
कुं कुं भरियो....
No comments:
Post a Comment