सिंझ्या का भजन

      श्री

  सांझ का भजन

सिंझ्या मन सन्ध्या सुमिरण कर रे

भूल्या मन सन्ध्या सुमिरण कर रे

1-काहे को दिवलो रामजी,काहे की बतियाँ

काहे रो घिरत पुरायो रे,मन रे तूं सन्ध्या.........

2-सोन को दिवलो,रामजी,रेशम की बतियाँ

माटी को दिवलो रामजी ,रुई केरी बतियाँ

गउ को घिरत पुरायो रे,मन रे तूं सन्ध्या.......

3-काहे की नाव,काहे को न्यावटीयो

कुण तो करलो बेड़ा पार रे,मन रे तूँ सन्ध्या.........

4-सत की नाव,धरम को न्यावटीयो

सांवरो करलो बेड़ा पार रे,मन रे तूं सन्ध्या.......

5-आठ पोर की चौसठ घड़ियां

,एक घड़ी तो राम भज रे,मन रे तू सन्ध्या.....

6-जांके घर म तुलछां रो बिड़लो,

बांरो पाड़ोस भल होइ रे,मन रे तूं सन्ध्या......

7-बाई मीरां केव प्रभू गिरधर नागर

हरि क चरणां म चित्त धर रे,मन रे तूं सन्ध्या.......

मन