काली कलायण उमटी पणिहारी जी....

काली रे कलायण उमटी जी पणिहारी जी ए लोय,
मिरगानेंणी जी ए लोय
मोटोड़ी छाँटया ळो बरसे मेह, बालाजो-2
सात सहेल्यां र झुलर ए, पणिहारी जी ए लोय
गयी गयी समन्द तालाब,बालाजो
सातूं सहेल्यां पाछी बावड़ी जी,पणिहारी जी ए लोय
रँगराणी रही रे तालाब,बालाजो
पाळ चढ़नता राजविं जी ,जोगी जी के लोय
भरियोड़ो माट ऊंचाय,बालाजो
भरियोड़ो माट ऊँचायस्यां जी,पणिहारी जी ए लोय
एक तो बात बताय, बालाजो
सगला र काजळ, टिकियाँ ए पणिहारी जी ए लोय
थारोड़ा फीका फीका नेंण ,बालाजो
सगळां रा परण्या घऱ बस ,जोगी जी ए लोय
म्हारोडो बस परदेस,बालाजो
घरां ए आती न सासु पूछियो ए, बहु जी ए लोय
कंठोड लगाई  अति बार,बालाजो
एक ओठीडो म्हांन एसो मिल्यो सासु जी ए लोय
पूछी म्हार मनड़  री बात,बालाजो
सुसराजी सरीखो डिगो पातलो ,सासु जी ए लोय
बाई सा रो आव उणीयार ,बालाजो
थे तो बहु जी म्हारा भोळा घणा ए पणिहारी जी ए लोय
बो तो थारोडो भरतार ,बालाजो