बरत बड़ो रे नर एकादशी को...(Ekadashi ka bhajan)

                                    श्री

बरत बड़ो नर एकादशी को,
रामजी के नाम बिना मुक्ति किसी,
गुप्त दान कोई नर करसी
$ ग्यारस के दिन ग्यारस करसी,माथो मिंडी बा करसी
ईण करणी रो नर हुसी रे पातड़ी,रजवाड़ा पाणी भरसी
बरत बड़ो...
$ ग्यारस के दिन ग्यारस करसी,घी की चोरी बा करसी
इं करणी रो नर हुसी रे उंदरो,बिला बिला म बो फिरसी
बरत बड़ो...
$ ग्यारस के दिन ग्यारस करसी,तेल फुलेल लगाया फिरसी
इं करणी ड़ो नर हुसी रे बलदियो,तेली री घाणी म बो फिरसी
बरत बड़ो...
$ गोडा जोड़ हतायां म बैठ, झूठी सांची बो करसी
इं करणी रो नर हुसी रे कागलो,कांव कांव करतो बो फिरसी
बरत बड़ो....
$कलम टांक, कचैड़ी पर जावे, झूठी सांची साख़्या भरसी
इं करणी रो नर हुवे रे भुतालियो ,चोपल्या घुमतो फिरसी
बरत बड़ो...
$कोड़ी कोड़ी माया जोड़ी,जोड़ जमीन म बो धरसी
इं करणी रो नर हुसी रे सर्पडो,पेट घिसतो बो फिरसी
बरत बड़ो...
$जल म न्हावै, जल म धोवे,जल म कुरला बो करसी
इं करणी रो नर हुसी रे मिंडको, डरूँ डरूँ करतो बो फिरसी
बरत बड़ो..
$ग्यारस के दिन ग्यारस करसी,काजळ टिक्की बा करसी
इं करणी रो नर हुसी रे हिंजड़ो ताली पीटतो बो फिरसी
बरत बड़ो...
$अन्न को दान,पाणी को दान,कपड़ा को दान कोई नर करसी
ई  करणी रो नर हुसी रे राजवी,गद्दी बैठ र राज बो करसी
बरत बड़ो...
$सुई को दान ,चालनी को दान,बुआरी को दान कोई नर करसी
इं करणी रो नर हुसी बनजारो,बिणज बांटतो बो फिरसी
बरत बड़ो...
$सूरज स्यामी ऐंठ खिंडावे,कांसी की थाली म कुल्ला बा करसी
इं करणी रो नर हुसी रे भैंसियो,पाणी री पखालयां बो भरसी
बरत बड़ो...
$ऊजला ऊजला कपड़ा पेर,परनारी चित्त बो धरसी
इं करणी रो नर हुसी रे कूकरी,गली  गली म घुसती फिरसी
बरत बड़ो...
$डागलिया चढ़ जोवण लागी, हरजी को बियाण आयां सरसी
बरत बड़ो ..
$ सत सूं चाल, मत सूं बोल हर की पेड़ी पग धरसी
कहत कबीर सुणो रे भाई साधो,सातों ही पीढ़ी बे तिरसी
बरत बड़ो...